Nunha Nube...

Polo xeral, cando estás nunha nube, eu o asocio a algo bo, pero neste caso a Nube á que vou facer referencia é a de cinza que os nosos veciños do norte "nos envian". Poñoo entre comiñas porque evidentemente é algo que non envían querendo...

A verdade é que non creo que nadie pensase que un pouco de cinza no aire fixese nada nin causase este revoo, pero mirade a de minutos televisivos para os que da, e ainda así a xente do que se queixa na maior parte é de que non hai información.
é verdade que a xente á que lle toca quedarse no lugar onde está sen poder viaxar (en avión), merece ter certa información sobre o que vai pasar para poder "facer algo da súa vida", pero penso que tampouco se lle pode botar a culpa ás compañías aéreas. Non se trata dunha folga na que, relativamente se pode controlar ou prever a situación e da cal son directamente responsables os implicados na empresa. pero neste caso o que sucedeu é algo natural. Un efecto da natureza, que non pasa só en Islandia e que non podes controlar unha vez que se inicia nin podías prever que cando comezase a soltar cinza o volván (de nome complicadiño...) o aire o levaría cara un lado ou cara outro... A xente ás veces queixase de vicio...Hai que ver de cantas cousas se da un conta cando pasa algo así.



Mirade como son as cousas, que cando falas de reciclaxe (non todos) a maioría da xente pasa de clasificar, e cando dis non queimes caucho...vai a xente e faino igual, porque..."que vai facer dano unha rodiña que queime eu?"
Pois ao medio ambiente o mesmo que a nube de cinza, pero en pequeniño... non tirarás un avión abaixo coa túa fogata hoxe, pero contribuirás a que caia o día de mañá.

E resulta que non hai tanto, as persoas non se desplazaban en avión a todas partes, agora o que había que facer era viaxar coma antes, pero a xente é moi cómoda, protesta porque os avións non saen e se saise e se desen accidentes, protestaría pola neglixencia dos profesionais da aviación... os serers humanos somos así moitas veces!

O pequeno graniño de area que podemos poñer de forma individual cada un de nós si que serve apra axudar ao medio ambiente, non deixes escapar a oportunidade de contribuir para poder conservar o planeta no que estas vivindo!


Insisto en que o cambio climático é algo natural que ia acabar pasando. Xa sucedeu así anteriormente e todo é un ciclo, pero o erro que comenteu o ser Humano coa súa ansia de poder, ambición e dominio, foi acelerar un proceso, que si había de ser natural e lento, se convertiu en algo rápido e superficial que non vai dar parado. Acaso podes reter un volcán cando desperta??



María
.