Parabéns a unha loira.-11/5/1990

Dise por terras de Xermeade que aló polo ano 1990 naceu, dunha morena, unha loira.

Ó cabo duns anos esa loira viaxou de Suíza ata o Reino de Xermeade coa intención de quedar a vivir nel. Sen deixar pasar moito tempo, fíxose co poder de Xermeade D'Arriba.

A pesar da súa aparente distancia coa sociedade, xa dende a súa chegada entablou boa amizade coa emperadora Tukísima que reside en Xermeade D'Abaixo, comezando así unha liña de diálogo e relación que atravesaba o reino.

Hai quen di que esta estrana muller loira vida de fóra, vén en realidade de moito máis aló do universo e dan en chamala "Jedi". Algún outro atrévese a dicir que procede dunha saga vampiresca e posúe máxicos poderes...

Eu a verdade non sei si estes rumores son certos ou non, pero dende a súa chegada, e as relacións entabladas, fóronse sucedendo no reino alianzas que desenvocaron en reunións, festas, ceas, obradoiros de cociña, competicións deportivas...

Sexa con axuda máxica ou non, a unión creada, esperemos que se manteña ó longo de moitos anos, séculos, lustros, milenios...

Hoxe fai anos da súa aparición no mundo e só me queda dicir FELICIDADES!


María
.
[Para ti, loira D'Arriba]